ድቅድቁን ጥቁር ጨለማ ሰንጥቃ
ዛሬም ብርሃኗን ትለግሣለች ጨረቃ...
የማለዳ ኮከብም፣
እንደሁሌው ደማቅ ብሩህ ናት
ቀድማ ስትታይ ከንጋት ...
ፀሐይም እንደወትሮዋ ማልዳ ብቅ ትላለች
ፅጌረዳም ከደጃፌ ዛሬም ፀድቃ ትፈካለች...
ሰማዩ ዛሬም ሰማያዊ ነው
ወፎችም ይዘምራሉ
በቀስተደመና ክንፎች ላይ
ቢራቢሮዎችም ይደንሳሉ ...
ሁሉ ነገር እንደቀድሞው
አሁንም አለ ተንሰራፍቶ፥
ወዳጄ አንተ ብቻ የለህም፥
ከዚች ምድር ዳብዛህ ጠፍቶ።
ስለዚህ እኔን ከፍቶኛል፥
በምድራለሜ ደስታ ዘብቶ፥
ፈገግታም ከራቀኝ ሰንብቶ፥
ባንተ ሞት ውስጤ አንብቶ።
_________
መነሻ፣"To a Dead Friend", Langston Hughes
መታሰቢያነቱ፣ ላገኘው ስናፍቅ ሞቱን ለተረዳሁት ለዶ/ር ብርሃኑ ለገሠ።
ምንም አስተያየቶች የሉም:
አስተያየት ይለጥፉ